गायिका खुसी थुलुङलाई जुरी अवार्ड

गायिका खुसी थुलुङले आधुनिक गीतबाट अवार्ड जितेकी छिन् । खुसीले तेस्रो अमिन अवार्डमा नव गायिकाको जुरी अवार्ड जितेकी हुन् । उनले ‘कति मिठो राम साइला कुवाको पानी’ बोलको गीतबाट अवार्ड हात पार्न सफल भएकी हुन् । नेपाल संगीत उद्योग संघ आयोजक रहेको तेस्रो अमिन अवार्डमा नेपाल उघोग वाणिज्य महासंघका उपाध्यक्ष हेमराज ढकाल, बस्तुगत परिषद् सल्लाहाकार सुमित केडिया, मोडल शिवन पोख्रेल, समाज सेवी दुर्लव अधिकारी लगायतको उपस्थिीती रहेको थियो ।

सङ्गीत व्यवसायीहरुको एकमात्र छाता संस्था ‘नेपाल सङ्गीत उद्योग सङ्घ’ ले आयोजना गरेको अमिन अवार्ड तेस्रो श्रृंखला हो । यसअघि पहिलो र दोश्रो श्रृंखला पनि भब्यताका साथ गरेको थियो । हालै सम्पन्न तेस्रो अमिन अवार्ड पनि सब्य र भब्यताका साथ समापन भएको छ ।