‘यो मौसम बैमानी’ मा रेखा र कञ्चनको रोमान्स

गायक कञ्चन थलङ लिम्बुको नयाँ गीत सार्वजनिक भएको छ । ‘यो मौसम बैमानी’ बालेको गीत मङ्गलबार धरानमा एक कार्यक्रमको आयोजना गर्दै सार्वजनिक गरिएको हो । सार्वजनिक म्युजिक भिडियोलाई कञ्चन थलङको अफिसियल युटुब च्यानलमा हेर्न सकिने छ ।

गायक थलङकै शब्द, संगीत र स्वर रहेको गीतकोे भिडियोमा अभिनेत्री रेखा लिम्बु र गायक थलङ प्रस्तुत भएका छन् । सान थापाको निर्देशन रहेको भिडियो अर्जुन तिवारीले छायांकन र बिवेक सुनारले सम्पादन गरेका हुन् ।

पछिल्लो समय यो गीत टिकटकमा समेत भाईरल बनेको छ । केही बर्षअघि कञ्चन र रेखाकै अभिनय रहेको कञ्चनको गीत ‘चिसो चिसो छ मौसम’ ले पनि चर्चा पाएको थियो । कञ्चनले यसअघि दर्जनौ गीतमा स्वर र संगीत दिएका छन् । अभिनेत्री रेखाले पनि विभिन्न फिल्मसँगै दर्जनौं भिडियोमा अभिनय गरेकी छन् ।

गायक कञ्चलले यो गीतबाट ठुलो आशा राखेको बताएका छन् । उनले भने ‘हामी मेहेनत गर्न कुनै कसर बाँकी राखेका छैनौँ आशा छ दर्शक श्रोताले माया गर्नुहुने छ ।’ यता गीतकी मोडल रेखाले भनिन् ‘भिडियोमा देखाए जस्तै मेरो क्यारेक्टर जुन छ ।, बास्तिबक जिवनमा पनि त्यो अबस्था मैले भोगेको छु ।’