अञ्जु पन्तको ‘तिम्रो सुन्दर रुप’ रिलिज

नेपालकै सर्वाधिक लोकप्रिय गायिका अञ्जु पन्तको नयाँ गीत ‘तिम्रो सुन्दर रुप’ रिलिज भएको छ । निकै मिठो यो गीत अन्जु पन्तकै आफ्नै अफिसियल युटुब च्यानलमा रिलिज गरिएको हो ।

सार्वजनिक गीतमा गायनमा अन्जुलाई रञ्जन राईले साथ दिएका छन् । गीतका शब्द अञ्जुकै श्रीमान् थिर कोइरालाले लेखेका हुन् । संगीत नवीन कार्कीले भरेका छन् । गीतमा विशाल निरौलाको संगीत संयोजन छ ।

गीतको भिडियोलाई विक्रम चौहानले कोरियोग्राफी तथा निर्देशन गरेका छन् । भिडियोमा परितोषिका पन्त र विक्रम बुढाथोकी फिचर्ड छन् । परितोषिका अञ्जुकी छोरीसमेत हुन् ।