नरेशको ‘सक्छौ र तिमि म बिना बच्न’ पल र सनिषा

गायक नरेश बुढाथोकीको स्वरमा नयाँ गीत सार्वजनिक भएको छ । ‘सक्छौ र तिमि म बिना बच्न’ बोल अहिलेको हिट जोडी पल शाह र सनिषा भट्टराईको अभिनय छ । गीतमा राम अविरलको शब्द र सन्तोष सुनारको संगीत रहेको छ ।

१ बर्षको जेल जीवन पश्चात उनको तेस्रो गीतको रुपमा यो गीत रिलिज भएको हो । ‘तिमीलाई हेर्ने बानि पर्यो’ को फिमेल भर्सनलाई आफ्नो पहिलो भिडियोको रुपमा चित्रित गरेका थिए । सुटिङको आधारमा पल जेलबाट बाहिर आएपछिको पहिलो गीत यहि हो ।

विकास सुवेदीको कन्सेप्ट र निर्देशनमा तयार भएको भिडियोमा पलसंग मोडल सनिषाले रोमान्स गरेकी हुन् । सनिषासंग पलको यो तेश्रो लगातार रिलिज भिडियो हो । पल सनिषासंग लगातार सहकार्य गरिरहेका छन् र दर्शकले यो जोडी रुचाईरहेका छन् । अनिल के मानन्धरले खिचेको भिडियोलाई सुप्रिम पराजुलीले सम्पादन गरेका छन् ।