गम्भिर र गजितकी ‘काली’ सामारिका
सर्वप्रिय गायक राजेश पायल राईको स्वरमा ’काली काली’ बोलको नयाँ गीत सार्बजनिक भएको छ । टी.एन आचार्यको शब्द रहेको गीतमा लक्ष्मण पोख्रेलले संगीत भरेका छन् । गीतमा गजित बिष्ट, गम्भिर बिष्ट र मोडल सामारिका ढकाल फिर्चड छन् ।
गजित र गम्भिर दुवै चल्तीका निर्देशक तथा कोरियोग्राफर हुन् । गजितले चलचित्रमा समेत काम गरिसकेका छन् । सम्बन्धले यी दुई दाजुभाइ पनि हुन् । लामो समयपछि दुई दाजुभाइले एउटै गीतमा कम्मर मर्काएका छन् ।
सार्वजनिक लरोमान्टिक डान्सिङ भिडियोलाई निर्देशक सुरेन्द्र बसेलले निर्देशन गरेका हुन् । टी.एन आचार्यले नै निर्माण गरेको गीतलाई बिकास नेपालले कोरियोग्राफी गरेका छन् । ’द प्रिमियर प्रोडक्सन’ बाट सार्बजनिक भएको भिडियोमा अशोक थापाको एरेन्ज, मनोज दङ्गोलको मिक्सिङ र दिनेश पराजुलीको सिनेमाटोग्राफी रहेको छ ।
