बलिउड अभिनेता तथा गायक आदित्य नारायण झा को लाईभ कन्सर्ट काठमाण्डौमा हुने भएको छ । यहि आउँदो शनिबार मंसिर १० गते (२६ नोभेम्बर) का दिन आदित्यले ठमेलमा रहेको क्लब फ्यारेनहाइटमा प्रस्तुती दिने छन् । उनि चर्चित बलिउड तथा नेपाली गायक उदित नारायण झाका छोरा हुन् ।

आदित्य शुक्रकार नै नेपाल आइपुग्ने छन् । उनले क्ल फ्यारेनहाइटमा उनका हिट गीत गाउँने छन् । भने केही नेपाली गीत समेत गाउँने कन्सर्टका आयोजक तथा क्लबका प्रबन्ध निर्देशक मिलन श्रेष्ठले जानकारी दिएका छन् । क्लब फ्यारेनहाइटमा गायक झाको कन्सर्ट हेर्नका लागि सोहि दिन क्लब फ्यारेनहाइट बाट टिकट लिन सकिने श्रेष्ठले बताएका छन् । गायक झाले कन्सर्टका साथै आफ्नो नेपाल बसाइमा पशुपतिनाथको पनि दर्शन गर्ने योजना समेत बनाएका छन् ।

सारेगमापा, एक्स फ्याक्टर र खतरा खतरा खतरा जस्ता शो होस्ट गरेर चर्चामा आएका आदित्यले नेपाली गीतसंगीतमा ’कुसुमे रुमाल २’ मार्फत पार्श्व गायकको रुपमा डेब्यु गरेका थिए।

For More videos Log on to Mazzako TV