‘चाहदिनँ म हाँस्न’ मा रानी र रामकृष्ण ढकालको सहकार्य

अमेरिकामा बस्दै आएकी गायिका रानी शाक्यले नयाँ गीत बजारमा ल्याएकी छिन् । उनले चर्चित गायक रामकृष्ण ढकालसँग मिलेर नयाँ गीत ‘चाहदिनँ म हाँस्न’ रिलिज गरेकी हुन् । यो गीतमा निशा शर्मा अर्यालको शब्द र अर्जुन पोखरेलको संगीत छ ।

यो गीतले जातका कारण प्रेममा आउने अवरोधको भावलाई बोकेको छ । साथमा मानिसलाई जातको आधारमा भन्दा पनि कामको आधारमा मुल्यांकन गर्न आवश्यक छ भन्ने कथा भिडियोमा प्रस्तुत गरिएको छ ।

गीतको भिडियोमा रामचन्द्र अधिकारी, सुरविर पण्डित, कमल सिंह र परि शाक्यको अभिनय छ । भिडियोको निर्देशन रायन कार्कीले गरेका हुन् । भिडियोमा वुद्ध थापाको छायांकन, बिष्णु खड्काको सम्पादन छ ।