‘ए मेरो हजुर ३’ को शुक्रबार युट्युबमा रिलिल भएको ‘परान’ बोलको गीतले २४ घण्टा नपुग्दै१ मिलियन भ्युज पाउन सफल भएको छ । अनमोल केसी र डेव्यु गर्ल सुहाना थापा फिचर्ड लोकलयमा आधारित ‘परान’ गीतले सामाजिक सञ्जाल युट्युबमा किर्तिमानी भ्युज पाइरहेको हो ।

यो समाचार तयार पार्दा सम्ममा गीतलाई १० लाख ४५ हजार भन्दा बढी पटक हेरिएको छ । यो नै छोटो समयमा युट्यबमा सबैभन्दा बढि भ्युजको रेकर्ड हो । कुनैपनि नेपाली फिल्मको गीतले २४ घण्टा नपुग्दै १ मिलियन भ्युज पाएको रेकर्ड छैन् । जसले गर्दा पनि आगामी चैत्र २९ गते रिलिज हुने सिनेमा ‘ए मेरो हजुर ३’ लाई यो वर्षकै बहुप्रतिक्षीत सिनेमाको रुपमा हेरिएको छ ।

फिल्मलाई अभिनेत्री झरना थापाको निर्देशन गरेकी हन् । सार्वजनिक गीतमा आशिष अविरलको संगीत, आनन्द अधिकारीको शब्द तथा आशिष अबिलर र अञ्जु पन्तको स्वर छ । यो गीतको भिडियो लाई प्रविन सिंहले कोरियोग्राफी गरेका हुन् । सांगीतक प्रेमकथा बोल्ने सिनेमालाई सुनिल कुमार थापाले निर्माण गरेका हुन् ।

सुहाना इन्टरटेनमेन्टको व्यानरमा निर्माण भएको फिल्ममा अनमोल र सुहानासैगै अपर्ण थापा, सलोन बस्नेत, रविन्द्र झा, सरोज खनाल, विशाल पहाडी, रेयर राई, रुपा घिसिङ, रक्षा गौतम लगायतका कलाकारको पनि अभिनय रहेको छ । झरना थापा र सुमन पौडेलको कथा, छेतेन गुरुङ, प्रतिक पौडेल, बाबुराम दाहाल र सुमन पौडेको पटकथा तथा संवाद रहेको फिल्मलाई सञ्जय लामाले खिचेका हुन् ।

फिल्ममा कविराज गहतराज, प्रविन सिंह, राहुल शाह र रामजी लामिछानेको कोरियोग्राफी, हिमाल केसीको द्धन्द्व, दिर्घ खड्काको सम्पादन रहेको छ ।

For More videos Log on to Mazzako TV