शिल्पाको बिहेमा नाजिर पन्डित (भिडियो )
नेपाली फिल्म ‘कागजपत्र’ को ट्रेलर सार्वजनिक भएको छ । ट्रेलर मार्फत बैदेशिक अध्यनको लागि नक्काली विवाह गर्ने परिपाटीको बिषयमा फिल्म बनेको बुझ्न सकिन्छ । फिल्ममा अभिनेता नाजिर हुसेन, शिल्पा मास्के,सरिता गिरी, भोलाराज सापकोेटा लगायत कलाकार छन् ।
इपी एजुकेशन अष्ट्रेलियाको प्रस्तुतीमा तयार भएको फिल्म वल्र्डवाइड फिल्मस् र अस सिनेमाको संयूक्त व्यानरमा निर्माण भएको हो । फिल्म सामाजिक तथा कमेडी कथामा निर्माण गरिएको निर्देशक तथा लेखक अपिल बिष्टले बताए । अपिलले यसअघि ‘झुम्की’ निर्देशन गरेका थिए ।

यसको निर्मातामा खिलेन्द्र तिमल्सिना, मुकेश रेग्मी र प्रजापती सिवाकोटी छन् । फिल्ममा किरण न्यौपाने र सरस्वती श्रेष्ठ सह-निर्माताको रुपमा रहेका छन् । फिल्ममा बसन्त सापकोटा र संगीत सापकोटाको संगीत छ भने निमेष श्रेष्ठको सम्पादन रहेको छ । यस फिल्म चैत ८ मा रिलिज हुँदैछ ।