‘शुभलभ’को पहिलो गीतमा हरिहरले कृष्टिनलाई फकाउँदै (भिडियो )

नेपाली चलचित्र ‘शुभलभ’को पहिलो गीत सार्वजनिक भएको छ । बुधबार काठमाडौंमा एक कार्यक्रमको आयोजना गरि चलचित्रको गीत ‘तिमी हुन्छौ भने मेरो शुभ लभ’ सार्वजनिक गरिएको हो।

गीतमा नव नायक हरिहर अधिकारी र नव नायिका कृष्टिन पौडेललाई फिचर्ड गरिएको छ । हरिहर अधिकारी नेपालका चर्चित युवा ज्योतिषको उपमाले पनि परिचित नाम हो । सार्वजनिक गीतमा चर्चित संगीतकार अर्जुन पोखरेलको शब्द तथा संगीत रहेको छ, भने निशान भट्टराईले गीतमा स्वर दिएका छन् । गीतका कोरयोग्राफर रामजी लामिछाने हुन्। चैत १५ गते रिलिज हुने सिनेमालाई सन्तोष बाबु लोहनीले निर्देशन गरेका हुन्।

चलचित्रमा हरिहर अधिकारीको कथा, अभिमन्यु निरवीको पटकथा तथा संवाद, अर्जुन पोखरेलको संगीत, कोरियोग्राफी रामजी लामिछाने, रामेश्वर कार्कीको छायाँकन, रोशन विक्रम भट्टराईको द्धन्द्व, बनिष शाह र भुपेन्द्र अधिकारीको सम्पादन रहेको छ । बुद्ध इन्टरटेनमेन्टको ब्यानरमा निर्माण भएको सिनेमाका प्रस्तुतकर्ता प्रदीप कुमार उदय हुन् । चलचित्रलाई धर्मराज शर्मा सुवेदीले निर्माण गरेका हुन् ।