नारायणकाजी निवासमा रेखाको होली !

अभिनेत्री तथा राप्रपा नृत रेखा थापाले यस वर्षको होली ए.माओवादी शिर्ष नेता नारायणकाजी श्रेष्ठसँग खेलेकी छिन् । सुन्धारास्थित अम्वे निवासबाट धुम्वाराहीको टिभी फिल्मीको फिल्मी होली, अभिनेत्री तथा नयाँ शक्तिकी सदस्य करिश्मा मानन्धरको गोदावरी निवासको होली हुँदै रेखाले हात्तीवनमा रहेको ए.माओवादीका शिर्ष नेता श्रेष्ठसँग होलि खेलेकी हुन् । रेखा र नारायणले एक अर्कालाई अबिरको टिका लगाइदिएर होली खेलेका थिए ।

भर्खरै राप्रपाको अधिवेशनबाट सदस्य पदमा समेत विजयी भएकी रेखाले ए.माओवादीका शिर्ष नेता श्रेष्ठसँगको होली बारे छोटकरीमा भनिन्, ‘रंग लगाउन कुनै पार्टी तथा समुहको व्यक्ति भनेर छुट्याउनु पर्छ जस्तो मलाई लाग्दैन् । यो त एकताको प्रतिक पनि हो ।’ रेखाले यसो भनिरहंदा नारायणकाजी मुस्कुराई रहेका थिए । उनले पनि ‘रेखा जीले भनेको गलत होइन’ भने । श्रेष्ठ निवासमा रेखा सहित, उनी अभिनित फिल्मको ‘पलाँस’ टिम, उनका आफन्त र केही सञ्चारकर्मी समेत उपस्थित थिए । यद्पी नारायणकाजीले घरमा होली खेल्ने कार्यक्रम भने राखेका थिएनन् ।