स्व.यमबुद्धको सम्झनामा आस्था राउतले लेखिन् मन छुने कविता

गत शनिबार लण्डनमा बाथरुममा बेल्टको पासो लागेर आत्महत्या गरेका चर्चित नेपाली र्यापर यमबुद्ध अर्थात अनिल अधिकारीको सम्झनामा गायिका आस्था राउतले मन छुने कविता कोरेकी छिन् ।

आफ्ना साथी यमबुद्धलाई सम्झंदै बिहिबार आस्थाले आफ्नो फेसबुकमा राखेको कविताका हरफहरु यस्ता छन् :

पत्याउँनै सक्दिंन साथी,
छाडेर गयौ खै कहाँ धेरै धेरै माथी..
सोच्थेँ तिमी जुझारु छौ,
शब्दको वाण हान्न सफल योद्धा हौ !
तिम्रा मनका भावहरु शब्दमा आउँथे
आक्रामक बुलन्द आवाज बनि छाउँथे
गाउँ बस्ती शहर, तराई, पहाड, हिमाल सबैले गाउँथे
युवाहरुले त झन आफ्नै सोच ठान्थें !
तर यार साथी तिमी कहाँ पुग्यौ ?
जानु थियो कहाँ… पुग्यौ कहाँ ?
हुनु थियो के… भयो के !
आज सबैलाई रुवाएर गयौं !
नहार भन्नेले नै हारेर गयौं !
अब जहाँ छौ, सायद तिम्रो नजरमा खुशी छौ !
हामी जहाँ छौ, हामी तिमीलाई सम्झेर दुखी छौँ !
तिम्रो आत्माको चिर शान्तिको कामना
छोटो मिठो सम्झना !
साथी आस्था राउत