सिक्किममा लिएनन् दिपक र दिपाले सम्मान

दिपकराज गिरी र दिपाश्रीको जोडीलाई विशेष सम्मान प्रदान गर्ने भनी आयोजकले चौथो इनास सिक्किम अवार्डमा सहभागी गराएको थियो । यही विशेष सम्मान ग्रहण गर्न भनी दिपक र दिपा अन्तिम समयमा सिक्किम गएका थिए । तर, उनीहरु सम्मान नै ग्रहण नगरी त्यहाँबाट काठमाण्डौं फर्किएका छन् ।

सर्वाधिक व्यापार गर्न सफल फिल्म ‘छक्का पञ्जा’ लाई विशेष सम्मान त गर्यो तर अवार्डको अन्तिममा । सिक्किमका सिएम बाहिरिपछि गरिएको सम्मान ग्रहण गर्न दिपक र दिपाले आवश्यक ठानेनन् र उनीहरु कार्यक्रम नसक्दै हलबाट बाहिरिए । उनीहरु बाहिरिएपछि उनीहरुको सम्मान वितरक गोपाल कायस्थले ग्रहण गरेका थिए । उनीहरु सहित सिक्किम पुगेका सम्पूर्ण जसो कलाकार्मीलाई सम्मान थमाइएको थियो । जुन सम्मानले सम्मानित हुनेलाई गर्व भन्दा पनि लज्जाबोध गराएको भान हुन्थ्यो ।