प्रणव मुखर्जी नेपाल आउँदा राजेश हमालले लेखे, ‘मित्रता भारी पर्ने भो’

मित्र राष्ट्र भारतका राष्ट्रपति प्रणव मुखर्जी नेपाल आउँदा भाईटिकाको भोलिपल्ट नेपालमा अघोषित कर्फु लाग्न गयो । मुखर्जीको स्वागतमा नेपाल सरकारले बुधबार सार्वजनिक छुट्टी नै दियो भने सवारीको आवागमन पनि ठप्प पारियो । सर्वसाधरणलाई सास्ती दिएर मित्र राष्ट्रका राष्ट्रपतिको स्वागत यसको बिरोध चारैतिर भयो । यस्तैमा नेपाली फिल्म क्षेत्रका महानायक राजेश हमालले पनि यसमा असन्तुष्टि व्यक्त गरेका छन् । भारतिय राष्ट्रपति नेपाल आएकै दिन महानायक हमालले आफ्नो फेसबुकमा छोटो स्टाटस लेख्दै नेपाल सरकारको रवैयाप्रति असन्तुष्टि जनाएका हुन् । महानायक हमालले आफ्नो फेसबुकमा लेखेका छन्, ‘मित्र राष्ट्रका प्रमुख आफ्नो देशमा छंदा हामीकहाँ नाकाबन्दी, हाम्रो देशमा आउँदा कर्फु, मित्रता भारी पर्ने भो !’