विजेतासँग डराउँदै डेट गइन् ‘जात्रा’ नायिका बर्षा

यही कात्तिक २६ गतेदेखि प्रदर्शनमा आउने फिल्म ‘जात्रा’ को हजार समाऔँ, लाख कमाऔँ अफर अन्र्तगत काठमाण्डौंस्थित महाबौद्ध बस्दै आएका प्रदिप पौडेलले फिल्मकी नायिका बर्षा राउतसँग डेट गर्ने अवसर पाएका छन् । प्रदिपसँग डेट अगाडी आफुलाई निकै डर लागेको बर्षाले बताइन् ।

उनले भनिन्, ‘के के भन्ने हो भन्ने डर लागिरहेको थियो गफ गर्दै जाँदा मन ढुक्क भयो ।’ विश्वास बढ्दै गएपछि अन्य साथीहरुलाई बाहिर पठाएर खुलेर नै कुराकानी गरेको उनले बताइन् । वर्षासँग डेट जाने अवसर पाएका प्रदिपलाई ‘जात्रा’ ले गरेको अफरको आश नै थिएन । उनी भन्छन्, ‘एउटा भाईले उक्त अफरमा सहभागि भएको देखेँ, मैले नी सक्छु नी भनेर सहभागि जनाउँदा यस्तो मौका जुर्यो ।’ सुरुमा फेसबुकमार्फत नै मलाई वर्षासँग डेट जाने अफर तपाईले पाउनुभयो भन्ने सन्देश आउँदा उनलाई विश्वास लागेको थिएन । तर जात्रा फिल्मको पेजमा नै सार्वजनिक भएपछि चाहिँ खुशि लाग्यो, उनी भन्छन् । पठाइएको थियो । तर मलाई विश्वास लागिरहेको थिएन । आफ्ना मान्छेहरुलाई मात्र यस्ता अफरहरु दिन्छ भन्ने प्रदिपलाई परेको रहेछ । तर, अब ‘जात्रा’ फिल्मको यो अफरले मोबाइल र स्कुटर पनि जित्ने आश पलाएको उनले बताएका छन् ।

अझै फिल्मकी अर्की नायिका प्रेक्षा बज्राचार्य, बिपिन कार्कीलगायतसँग डेट जाने अफरहरु बाँकी नै रहेको निर्माता एवं कलाकार रबिन्द्रसिंह बानीयाले बताएका छन् ।