साम्तेनको निर्देशनमा ‘सुस्केरा’ निर्माण घोषणा

फिल्म ‘लेटर’ मार्फत फिल्म निर्देशनमा डेब्यु गरेका साम्तेन भुटियाको निर्देशनमा फिल्म ‘सुस्केरा’ निर्माण हुने भएको छ । भुटियाले यस अघि ‘लेटर’ संगै ‘तान्द्रो’,  ‘अनागत’ को पनि निर्देशन गरिसकेका छन् ।

बिशेषगरि मौलिक नेपाली फिल्म निर्देशनमा रुची देखाउने साम्तेनले यस फिल्म मार्फत नयाँ जोडीलाई रजतपटमा डेव्यु गराउँदै छन् । संगीतमा रमाइरहेका स्वरूप पुरुष ढकाल र फिल्मसंगै पछिल्लो समय मिडियामा सक्रिय सुरक्षा पन्तलाई उनले जोडी बनाएका छन् । स्वरूप संगीतकार तथा गायक हुन् भने सुरक्षा पछिल्लो समय कान्तिपुर टेलिभिजन मार्फत प्रसारण हुने शो कल कान्तिपुर कि भिजे हुन् । मौरी इन्टरटेनमेन्टको निर्माणमा बन्ने यस फिल्मका लेखक पनि साम्तेन नै हुन् ।

ज्ञानेन्द्र महर्जनको निर्माणमा तयार हुने यो फिल्मलाई पुरुषोत्तम प्रधानले खिच्नेछन् । स्वरूप पुरुष ढकालकै संगीत रहने यस फिल्ममा पाश्र्व संगीत भने सुजिल कर्माचार्यको रहनेछ ।