ब्यान्ड बाजा बजाउँदै ‘छक्का पञ्जा’ को ५१ दिने सेलिव्रेसन

फिल्म ‘छक्का पञ्जा’ ले प्रदर्शनको ५१ दिन पूरा गरेको छ । दिपाश्री निरौला निर्देशित यो फिल्मले राजधानी र मोफसलका २४ हलहरुमा प्रदर्शनको ५१ दिन पूरा गरेको हो । भदौ २४ गतेदेखि प्रदर्शनमा आएको ‘छक्का पञ्जा’ ले हालसम्म पन्ध्र करोडको ग्रस कलेक्सन गर्न सफल भएको छ ।

आफ्नो फिल्मले प्रदर्शनको ५१ दिन पूरा गरेको उपलक्ष्यमा ‘छक्का पञ्जा’ टिमले ब्यान्ड बाजा बजाएर राजधानीका हलहरुमा पुगेर पुग्दै नाचगान गर्दै खुसीयाली मनायो । बिहान पशुपतीनाथको पूजा गरेर सुरु भएको ‘छक्का पञ्जा’ को ५१ दिने र्याली बाराही, गुण, गंगा, अष्ट, गोपि, केएल टावर, विग मुभिज, जय नेपाल लगायत हलसम्म पुगेको थियो । मोफसलमा शुक्रबारै खुसीयालीको कार्यक्रम भएको निर्देशक निरौलाले बताइन् ।

हल सञ्चालकले ‘छक्का पञ्जा’ टिमलाई टिका तथा माला लगाएर स्वागत गर्दै बधाई दिएका थिए । ५१ दिने र्यालीमा निर्देशक निरौला, निर्माता, लेखक तथा अभिनेता दिपकराज गिरी, नायिकाहरु प्रियंका कार्की, नम्रता सापकोटा, बर्षा राउत, कलाकारहरु बसुन्धरा भूषाल, किरण केसी, जितु नेपाल, केदार घिमिरे, वितरक गोपालकाजी कायस्थ, संगीतकार राजनराज सिवाकोटी लगायत सहभागी थिए । तस्बिरहरु : उद्धव रसाईली