यम बरालले रोजे रेखा, तर किन ?

गायक यम बरालले नायिका रेखा थापालाई रोजेका छन् । केही साता अघि मात्रै अमेरिकाबाट नेपाल फर्किएका गायक बरालले आखिर किन रोजे त यी सिङ्गल नायिकालाई ?

खासका आफ्नो आगामी एल्बमका लागि रेखालाई यमले रोजेका हुन् । आलोकश्रीको संगीतमा राजेन्द्र थापाले लेखेका शब्दमा यम र रेखाले स्वर दिनेछन् । यमको विशेष आग्रह गरेपछि रेखा गाउन राजी भएकी हुन् । यतिबेला रेखा यमसँग गाउने गीतको रियाज गर्दैछिन् । केही दिनमै यसको रेकर्डिङ हुनेछ । प्रोफेश्नल गायिका नभएपनि उनको स्वरमा मिठास भएको भन्दै आफ्नो एल्बमको लागि यमले रेखालाई रोजेका हुन् । यमको एल्बम आगामी बर्षमा सार्वजनिक हुनेछ । रेखा र यमले सँगै एल्वम निकाल्ने योजना पनि बनाएका छन् ।

उसो त रेखाले आफ्नै फिल्म ‘राम प्यारी’ मा ‘अर्को जुनी कुन्नी’ को संगीत कम्पोज समेत गरेकी थिइन् भने केही गीतहरुमा आफ्नो स्वर रेकर्ड गराएकी थिइन् ।