नव गायक किशोरको ‘ट्रिव्युट’ हस्तीहरुबाट सार्वजनिक

अमेरिकामा बस्दै आएका नव गायक किशोर सिवाकोटीले आफ्नो पहिलो एल्बम ‘ट्रिव्युट’ सार्वजनिक गरेका छन् । पचास वर्षकै उमेरमा दिवंगत भएकी आफनी आमालाई सद्भावलाई जोड्दै उनले यो एल्बम सार्वजनिक गरेका हुन् ।

सोमबार राजधानीमा आयोजना गरिएको कार्यक्रममा वरिष्ठ गायक प्रेमध्वज प्रधान, निर्देशक तुलसी घिमिरे, संगीतकार लक्ष्मण शेष, शब्द लेखक डा.कृष्णहरी बराल र साहित्यकार तथा सञ्चारकर्मी डा.नवराज लम्सालले ‘ट्रिव्युट’ एल्बमको संयुक्त रुपमा विमोचन गरे । गायक सिवाकोटीले कार्यक्रममा आफ्ना तीन गीतहरु प्रस्तुत गरेका थिए भने आशा भोष्लेले गाएको एउटा गीतको भिडियो पनि देखाइएको थियो । रञ्जित गज्मेर, सुनिल मास्के, सत्यस्वरुप, अम्मर सुब्बा तुम्बापो र किरण गज्मेरको संगीत रहेको एल्बममा ९ गीतहरु समावेश छन् ।