यस्तो बन्यो ‘लुट २’ को ‘ठमेल बजार’ आइटम गीतको भिडियो

निश्चल बस्नेत निर्देशित बहुप्रतिक्षित फिल्म ‘लुट २’ को आइटम गीतको भिडियो सार्वजनिक भएको छ । विक्रम श्वारको कोरियोग्राफी रहेको ‘ठमेल बजार’ बोलको गीतमा एलिशा राईले आइटम पस्केकी छिन् । एलिशासँगै भिडियोमा दयाहाङ राई, सौगाल मल्ल र सुशिलराज पाण्डे लगायत फिचरिङ छन् । कालिप्रसाद बाँस्कोटाको संगीत रहेको गीतमा उनीसँगै मिना निरौला र भानुभक्त ढकालको स्वर रहेको छ । भिडियो हेर्नुस् :

सुपरहिट फिल्म ‘लुट’ को सिक्वेल यस वर्षको फागुन १३ गतेदेखि प्रदर्शनमा आउँदैछ । प्रिक्वेलको ‘उध्रेको चोली’ आइटम गीतले पनि व्यापक चर्चा पाएको थियो । सिक्वेलको यो ‘ठमेल बजार’ बोलको आइटम गीतले पनि उत्तिकै चर्चा पाउला त ?