म्यानहन्ट ईन्टरनेशनल वल्र्ड प्रतिस्पर्धामा जाँदै अनुपविक्रम

२०१४ का प्रोस्टाइल म्यानहन्ट ईन्टरनेशनल नेपाल अनुपविक्रम शाही २०१६ अक्टुवर २३ तारिखदेखि अक्टुवर २९ तारिखसम्म चाइनामा हुने म्यानहन्ट ईन्टरनेशनल वल्र्ड प्रतिस्पर्धामा सहभागी हुने भएका छन् । नेपाली फिल्मका नायक समेत रहेका अनुपविक्रम म्यानहन्ट ईन्टरनेशनल वल्र्डको प्रतिस्पर्धामा जाने बारे आयोजक कम्पनी जिइइले बिहिबार प्रेसमिट गर्दै औपचारिक जानकारी दियो ।

राजधानीमा आयोजित प्रेसमिटमा अन्र्तराष्ट्रिय पुरुष सौन्दर्य प्रतियोगितामा नेपालको सहभागीता र यसको गरिमाबारे छोटो छलफल समेत गरियो । यही शनिबार चाइना जान लागेका अनुपले पुरुष सौन्दर्य प्रतियोगिताको पनि महत्व रहेको भन्दै आफुले नेपालको नाम राख्ने गरी आफ्नो प्रस्तुती दिने बताए । उनले भने, ‘त्यहाँ म भन्दा पनि नेपाल जाँदैछ । म जित्छु भन्ने भावना लिएर अगाडी बढेको छु ।’ तर पुरुष सौन्दर्य प्रतियोगितामा प्रायोजक कम्पनी र नेपाल सरकारको त्यति सहयोग नरहेको उनले गुनासो पोखे । यता आयोजक कम्पनी जिइइका सिइओ अनुपले पुरुष सौन्दर्य प्रतियोगितालाई पनि प्राथमिकतामा राखेर अगामी कार्यक्रम गर्ने बताए ।

यस्तै ‘हँसिया’, ‘वीर विक्रम’ जस्ता फिल्महरुमा अभिनय गरेका अनुपले म्यानहन्ट ईन्टरनेशनल वल्र्ड प्रतिस्पर्धामा आफु फिल्म छाडेर सहभागी हुन लागेको खुलाए । निर्माता तथा निर्देशक मिलन चाम्सले पनि अनुपले ‘ह्याप्पी डेज’ चाइनाकै कार्यक्रमको कारण खेल्न नपाएको बताए । निर्देशक तथा निर्माता चाम्सले भने, ‘अनुप विजयी होस् । मैंले भेट्न पनि समय लिनु परोस् । मेरो शुभकामना !’