जात्राको बहार, दर्शकलाई यस्तो उपहार

ट्रेलर रिलिजसँगै दर्शकमाझ छुट्टै हाईप क्रिएट गर्न सफल भएको चलचित्र ‘जात्रा’ले दर्शकहरुका लागि ‘हजार समाऔँ, लाख कमाऔँ’ अफर ल्याएको छ । जात्रा फिल्मको अफिसीयल फेसबुक पेजमा रहेको छोटो भिडियोबाट क्लीक गरेर हजारको नोट समाएर यो अफरमा सहभागी हुन सकिनेछ । उपहार जित्नलाई हजारको नोट समाएर सोहि भिडियोको कमेन्टमा स्क्रीनसट पोस्ट गर्नुका साथै उक्त भिडियो फेसबुकमा सेयर समेत गर्नु पर्नेछ ।

कार्तिक २६ गतेदेखि प्रर्दशनमा आउन लागेको यो सिनेमाको रमाईलो अफरमा सहभागी भएर हप्ताको एक जनाले चलचित्रका कलाकारसँग डेट जान पनि पाउनेछन् । फिल्म प्रर्दशन हुन ३ साता बाँकी रहेकाले पहिलो हप्ताको विजेताले नायिका वर्षा राउतसँग डेटिङ जान पाउने छन् भने दोश्रो हप्ता प्रेक्षा बज्राचार्यसँग र तेश्रो हप्ता विपीन कार्की (भस्मे) र रविन्द्र सिंह बानीया (हनुमानजी) सँग भेट्ने अफर  छ ।

त्यस्तै, कार्तिक २४ गते हुने प्रिमियरमा हजारको नोट समाएर पोस्ट सेयर गर्ने ५ जना दर्शकलाई बम्पर उपहार प्रदान गर्ने जात्रा टोलीको योजना छ । जसमध्ये एकजनालाई स्मार्ट फोन, एक जोडीलाई पोखरा र अर्को एक जोडीलाई सौराहाको २ रात ३ दिनको टुर प्याकेज दिइने बताईएको छ । यस्तै, एक जानलाई फिल्ममा मुख्य कलाकार विपिन कार्कीले प्रयोग गरेको इलेक्ट्रोनीक स्कुटर उपहारस्वरुप प्रदान गरिनेछ भने अन्य ५ जनालाई प्रिमीयरमा जात्रा हेर्ने टिकट प्रदान गरिनेछ ।

प्रदिप भट्टराईको निर्देशनमा बनेको चलचित्र ‘जात्रा’लाई रविन्द्रसिंह बानियाँ र सिंगे लामाले मिलेर बनाएका हुन् । चलचित्रमा बर्षा राउत, विपिन कार्की, रविन्द्रसिंह बानियाँ, रबिन्द्र झा, भोलाराज सापकोटा, कमलमणी नेपाल, प्रकास घिमिरे लगायतक कलाकारहरुले अभिनय गरेका छन् ।

‘जात्रा’को अफरमा सहभागि बन्न यहाँ क्लीक गर्नुहोला ।