‘पोर्न चलचित्र मात्रै अर्गानिक हुन्छ’ : निखिल उप्रेती

कुन चलचित्रलाई अर्गानिक चलचित्र भन्ने ? सबैको आ आफ्नै विचार हुन सक्लान् । यस्तैमा नायक, निर्माता तथा निर्देशक निखिल उप्रेतीले पनि आफ्नै तरिकाले अर्गानिक चलचित्रको परिभाषा दिएका छन् । उनले पोर्न मात्रै अर्गानिक चलचित्र हुने बताएका छन् ।

के तपाईंको चलचित्र ‘रुद्र’ अर्गानिक हो भन्ने प्रश्नमा सोमबार राजधानीमा आयोजना गरिएको फिल्म को प्रेसमिटमा उनले भने, ‘पोर्न चलचित्र मात्रै अर्गानिक हुन्छ । किनभने त्यसमा आर्टिफिसियल केही पनि हुँदैन । लगाउनु पर्ने वस्त्र पनि हुँदैन ।’ उनले थपे, ‘जति पनि त्यहाँ भएका खेल हुन्छन्, सबै प्राकृतिक हुन्छन् । तर मेरो फिल्म आर्टिफिसियल छ । यसमा अर्गानिक छैन ।’

निखिलको यस्तो जवाफले कार्यक्रम हलमा हाँसो छाएको थियो । पोर्न चलचित्रलाई अर्गानिक चलचित्र भन्ने निखिलले पोर्न चलचित्र पनि मज्जैले हेरेको हुनुपर्ने कार्यक्रममा कानेखुसी चलेको थियो ।