मंसिर ३ देखि ‘पुरानो पुस्ता’ प्रदर्शनमा आउने

शताब्दी अर्थात सय वर्ष पहिलाका पुस्ताको कथालाई प्रस्तुत गरिएको फिल्म ‘पुरानो पुस्ता’ प्रदर्शनका लागि तयार भएको छ । फिल्म मंसीर ३ गतेबाट अल नेपाल रिलिज हुने निर्माण कम्पनी फ्लोरिना फिल्मस् प्रालिले जानकारी दिएको छ । को प्रस्तुतिमा तयार भएको ‘पुरानो पुस्ता’ लाई दीप सागरले निर्देशन गरेका हुन् ।

रोल्पा र प्युठानमा छायांकन गरिएको फिल्म ‘पुरानो पुस्ता’ मा शेरबहादुर गुरुङ, विराज विष्ट, अनिश मगर, देव नेपाल, सृष्टि, कृष्ण सुनार, तेजबहादुर तामाङ, मेनुका लगायतका कलाकारहरुले अभिनय गरेका छन् । सावित्री ओली कार्यकारी निर्माता रहेको फिल्ममा सञ्जिव पौडेलको लेखन र दीपसागरकै छायांकन छ । निर्देशक दीपसागरले राप्तीका पहाडी जिल्लाहरुको रमणीय दृष्य फिल्ममा दर्शकले हेर्न पाउने बताए ।

‘पहिलेका मानिसहरुले दैनिक गुजार्ने गरेका संघर्ष कथामा चित्रण गरिएको छ’, उनले भने, ‘नुन, तेल किन्न कहाँ जानुपर्दथ्यो र कतिसम्म दुःख गर्नुपथ्र्यो भन्ने कुरा फिल्ममा देखाइएको छ ।’