आफ्नै निर्देशनमा सुस्मिताको ‘बाबरी फूलको बोट’ : के रहन्छन् अनमोल ?

अभिनेत्री तथा निर्मात्री सुस्मिता केसी वम्जनले नयाँ फिल्म निर्माणको घोषणा गरेकी छिन् । बडा दशैं टिकको दिन असोज २५ गते उनले ‘बाबरी फूलको बोट’ नामक फिल्म निर्माण गर्ने घोषणा गरेकी हुन् । जुन फिल्मलाई सुस्मिता स्वयमले निर्देशन गर्नेछिन् ।

सामिप्यराज तिमल्सिनाले स्क्रिप्ट लेख्दै गरेको ‘बाबरी फूलको बोट’ को कलाकार भने तय भैनसकेको सुस्मिताले बताइन् । के छोरा अनमोल केसी पनि आमाको नयाँ फिल्ममा रहन्छन् ? ‘अहिलेलाई सस्पेन्स’ सुस्मिताले भनिन्, ‘सुटिङ अगाडीसम्म कलाकार खुलाउँदिन् ।’ माघको दोश्रो सातादेखि फिल्मको सुटिङ थाल्ने सुस्मिताको योजना छ । उनले पछिल्लो पटक निर्माण गरेको फिल्म ‘म त तिम्रै हुँ’ व्यापारिक रुपमा सफल हुन सकेको थिएन् ।