पुष्पनको बढ्दैछ व्यस्तता : सिक्किममा गरियो सम्मान
पुष्पन प्रधान नेपाली संगीत क्षेत्रमा भिन्न स्वर र गीत गाउने गायकको रुपमा परिचित छन् । यिनै बेग्लै परिचय बनाएका गायक प्रधान यतिबेला विभिन्न साँगीतिक कार्यक्रम तथा कन्सर्टमा व्यस्त छन् । आफ्नो साँगीतिक प्रस्तुतीका लागि पुष्पन केही सातादेखि भारतमा छन् ।
‘व्यावसायिक अनि सामाजिक साँगीतिक कार्यक्रमहरुमा व्यस्त छु’ पुष्पनले भने । हालै सिक्किममा सम्पन्न दुई वटा कार्यक्रमबाट पुष्पनले प्रशंसा पाए । त्यहाँ उनको गाउने र बोल्ने शैलीलाई निकै रुचाइयो । सामाजिक चेतना र नशामुक्त समाजको विरूद्ध सिक्किममा गरिएको कार्यक्रममा आफ्नो प्रस्तुती निकै राम्रो रहेको पुष्पन बताउँछन् ।
यस्तै सिक्किममा पुष्पनलाई त्यहाँको राज्यपालको बाहुलीबाट सम्मान पनि गरियो । फिल्म ‘जीन्दगी रक्स’ को ‘माया माया’ बोलको गीतबाट चारैतिर चिनिएका पुष्पनले फिल्म ‘समर लभ’ मा संगीत पनि भर्दैछन् ।
