अञ्जु र सुमनको गीतमा स्वास्नी अरुको राम्रो भएको तर्क

पेशाले इन्जिनियर हेर्न, सुमन श्रेष्ठ । तर, उनको गीतसंगी प्रतिको मोह भने गजबकै छ । उनले चौथो एल्बम बजारमा ल्याइसकेका छन् भने निरन्तर गीतको भिडियो पनि बनाइरहेका छन् ।

अहिले गीतमा टुक्का समावेश गर्ने चलन बढेको छ । सुमन पनि त्यही दौडमा लागेका छन् । उनले सार्वजनिक गरेको चौथो एल्बम ‘धागो चर्खाको’मा समावेश शिर्ष गीतमा पनि यस्तै टुक्का समावेश गरिएको छ । काठमाण्डौमा पत्रकार सम्मेलनको आयोजना गर्दै संगीतकार तथा गीतकार दिपक जंगमको हातबाट उनले एल्बम र भिडियो सार्वजनिक गराएका थिए । सुमनले कार्यक्रममा आफू निरन्तर संगीतमा लाग्ने पनि बताए । भिडियो प्रिमियरमा उपस्थित सबैले भिडियो हेरेपछि तारिफ गरेका थिए । केदार धितालले निर्देशन गरेको भिडियोमा मोडल किरण लाकौल, पूजना प्रधान, श्रेया कार्की, रचना लामा, करिश्मा, अमृत शाही ठकुरी, नीशा लगायतको मोडलिङ छ । भिडियो हेर्नुस् :

सुमन श्रेष्ठ र गायिका अञ्जु पन्तको आवाज रहेको यो गीतमा वेद प्रसादको शब्द, सुर्य किरण लामाको संगीत छ । निशान घिमिरेले सम्पादन गरेको भिडियोलाई अर्जुन तिवारीले छायांकन गरेका हुन् । छोराछोरी आफ्ना राम्रा भएपनि स्वास्नी अर्काको राम्रो हुने भन्दै तयार पारिएको गीत र भिडियोलाई उपस्थित अतिथी, पत्रकार सबैले रुचाएका थिए ।