अन्डर ग्राउण्ड पार्किङमा ‘सफर’ टिमको सञ्चारकर्मी भेट
यही असोज १४ गतेदेखि प्रदर्शनमा आउने फिल्म ‘सफर’ ले आइतबार सञ्चारकर्मीसँग अन्र्तक्रिया गर्यो । सञ्चारकर्मी सञ्जय गुप्ता आकर्षक बनेको ‘सफर’ को प्रेसमिट हालसम्म आयोजित फिल्मको भन्दा फरक स्थानमा आयोजना भएको थियो ।
निर्देशक आशिष श्रेष्ठ सहितको ‘सफर’ को प्रेसमिट त्रिपुरेश्वरस्थित वल्र्ड ट्रेड सेन्टरको अन्डर ग्राउण्ड पार्किङमा गरिएको थियो । किन गरियो त त्यस्तो ठाउँमा प्रेसमिट ? ‘खासमा यो फिल्मको कथा नै पार्किङमा फुरेको थियो रे’ सञ्जयले ठट्यौली शैलीमा भने, ‘केही फरक गरौं भनेर पनिे पार्किङमा प्रेसमिट गरेको ।’
लामो समय आरजेका रुपमा रहेका सञ्जय आफु अभिनित पहिलो फिल्म ‘सफर’ बाट दर्शकको साथ पाउनेमा विश्वस्त छन् । उनी भन्छन्, ‘फिल्ममा निभाएको पात्रको केही पक्ष मेरो जीवनसँग पनि मेल खान्छ ।’ डेव्यु निर्देशक आशिष श्रेष्ठले युवा पुस्ताको रमाईलो यात्राको कथालाई ‘सफर’ मा उतारिएको बताए । फिल्मको पुरै छायाँकन अमेरिकामा गरिएको छ ।
केशव खड्काको निर्माण तथा लेखन रहेको फिल्म ‘सफर’ मा सञ्जयसँगै मानन सापकोटा, शिविर पोखरेल र नुर्जा श्रेष्ठको मुख्य भूमिका रहेको छ । युवा पुस्ताले बनाएको ‘सफर’ ले असोज १४ गते दर्शकबाट कत्तिको साथ पाउला त ? ट्रेलर हेर्नुस् :
