शिल्पा पोखरेल अब छविराज प्रोडक्सनकी निर्मात्री

नायिका शिल्पा पोखरेल अब निर्मात्री पनि बन्ने भएकी छिन् । छविराज ओझाले निर्माण गर्ने आगामी फिल्म ‘हिफाजत २’ मा शिल्पा नायिकासँगै निर्मात्रीको रुपमा पनि रहनेछिन् ।

मज्जाको टिभीसँग कुरा गर्दै शिल्पाले आफु अब छविराज ब्यानरमा निर्मात्री बन्न लागेको खुलाएकी हुन् । शिल्पाले भनिन्, ‘हिफाजत २ देखि चाहिं म पनि पर्सेन्टेजमा काम गर्दैछु । सिङ्गल लगानी गर्न नपाइने नियम छ । अरु ब्यानर खोज्नु भन्दा छविराज प्रोडक्सनमा नै पैसा हाल्दैछु ।’ छविराजले पनि पार्टनरसिपमा बस्ने भएपछि शिल्पालाई निर्मात्रीको स्थानि दिने बताए ।

छविराज प्रोडक्सनमा शिल्पा निर्मात्री बन्ने खबरले छविराजसँग बिहे हुने सम्भावनालाई अझै विश्वस्त तुलाएको छ । छविराज ओझाले निर्माण गरेको ‘किस्मत २’ असोज २१ गतेदेखि प्रदर्शनमा आउँदैछ, जसमा शिल्पा शिर्ष भूमिकामा प्रस्तुत भएकी छिन् ।