नमज्जाको खबर : बरिष्ठ संगीतकार अम्बर गुरुङ्गको निधन

वरिष्ठ संगीतकार अम्बर गुरुङको निधन भएको छ । गुरुङको मंगलबार बिहान २ बजेर ३७ मिनेटमा निधन भएको अस्पताल स्रोतले जानकारी गराएको छ । फोक्सोमा निमोनिया भएपछि केहि दिनदेखि ग्राण्डी अस्पतालमा उपचारको लागि भर्ना गरिएको थियो । अस्पतालमै उनको निधन भएको हो । नेपाली राष्ट्रिय गानका संगीतकार तथा संगीत तथा नाट्य प्रज्ञा प्रतिष्ठानका प्रथम कुलपति अम्बर गुरुङको ७९ बर्षको उमेरमा निधन भएको हो ।

नेपाली राष्ट्रिय गानसँगै दर्जनौं गीतमा संगीत भरेका गुरुङलाई भेट्न दुई दिन पहिला प्रधानमन्त्री केपी शर्मा ओली अस्पताल पुगेर उनलाई राष्ट्रिय सम्मान दिने बताएका दिएका थिए । वरिष्ठ संगीतकारको निधनपछि ग्रान्डी अस्पतलामा पारिवारिक सदस्य, आफन्त र शुभचिन्तकको भिड लागेको छ । स्व.श्रष्टा गुरुङप्रति हार्दिक श्रद्धाञ्जली !