बर्षाले छाडेपछि सुदर्शनकोे प्रेम पीडा

मोडल बर्षा सिवाकोटीले छाडेपछि एक मोडललाई खुबै पीडा भएको छ । ती मोडल हुन्, सुदर्शन चापागाई । सुदर्शनले बर्षाले छाडेपछि आफूबाट टाढा नहुन भन्दै आग्रह गरेका छन् । अनन्त तिमिल्सिनाले निर्देशन गरेको म्यूजिक भिडियोमा यस्तो कथा बुनिएको छ ।

प्रमोद खरेलको आवाजमा समावेश ‘तिमीदेखि टाढा’ बोलको गीतमा पदम रोक्यालको शब्द र संगीत छ । भिडियोमा बर्षा, सुदर्शन र पदम देखिएका छन् । रामकुमार केसीको छायांकन, अर्जुन पोख्रेलको सम्पादन रहेको यो भिडियोलाई आफूले दर्शकले रुचाउने शैलीमा बनाएको अनन्तको भनाई छ ।

चलचित्र प्राविधिक संघका पूर्व महासचिव समेत रहेका अनन्त अहिले म्यूजिक भिडियो निर्देशनमा व्यस्त हुन थालेको देखिन्छ । मोडल सुदर्शन पनि यो भिडियोले आफूलाई दर्शकमाझ चिनाउनेमा ढुक्क छन् ।