‘कंगाल करोडपति’मा मुकुन भुषाल
प्रविन आचार्यको प्रस्तुतिमा निर्माण हुने ‘कंगाल करोडपति’को प्रमुख भूमिकामा अभिनेता मुकुन भुषाल अनुबन्धित भएका छन्। यस फिल्मको निर्देशन राजु श्रेष्ठले गर्नेछन्।
फिल्ममा अनुबन्धित भएपछि अभिनेता भुषालले पटकथा र आफ्नो पात्र रोचक लागेकाले सिनेमामा जोडिएको बताए।
‘धेरै स्क्रिप्ट आइरहेको सन्दर्भमा यसको कथावाचन शैली र मलाई प्रस्ताव गरिएको पात्रले आकर्षित गर्यो,’ उनले भने।
अभिनेता भुषाल अभिनित फिल्म ‘रोल नम्बर १’ हाल नेपाली सिनेमाघरमा प्रदर्शनरत छ।
