नेपाली चलचित्र ‘बलिदान’ को प्रि-टिजर सार्वजनिक गरिएको छ। आगामी वडा दशैँको फूलपातीमा प्रदर्शनको तयारीमा रहेको यो चलचित्रको भिडियो सामग्री प्रमुख अभिनेता समीर भट्टको जन्मदिनको अवसरमा सार्वजनिक गरिएको हो।

प्रि-टिजरमा समीर भट्टका एक्सन दृश्यहरू प्रस्तुत छन्, जहाँ देशप्रेमले भरिएको न्यारेशनले भिडियोलाई थप प्रभावशाली बनाएको छ। भिडियोमा समावेश गरिएको संवाद—“देशको चिन्ता। माटोले खोज्दै छ जसलाई, जन्माइन आमाले उसलाई…” ले कथावस्तुको गहिरो भावनात्मक पक्ष संकेत गर्छ।

निर्देशक सन्तोष सेनका अनुसार समीर भट्टमा अभिनय र प्रस्तुतीकरणका सबै पक्ष बलियो छन् र ‘बलिदान’ फिल्मले ती सबै पाटाहरू उजागर गरेको छ। सेनले यो प्रि-टिजरलाई एक प्रारम्भिक झलक भन्दै आगामी दिनमा थप झिल्काहरू सार्वजनिक हुने बताएका छन्।

‘बलिदान’ मा समीर भट्टसँगै सौगात मल्ल, अर्पण थापा, ऋचा शर्मा, कविता राय, हेमन्त बुढाथोकी, र प्रेम पुरीको अभिनय रहेको छ। ‘आसुसेन फिल्म्स प्रा.लि.’ को ब्यानरमा निर्माण भएको चलचित्रका निर्माता पवन ब्राडफोर्ड बिस्ट हुन् भने कार्यकारी निर्माता प्रेम पुरी रहेका छन्।

For More videos Log on to Mazzako TV