मण्डलामा ‘आकाशको बाटो’

रंगकर्मी तथा कलाकार प्रदीप कुमार चौधरीको लेखन तथा निर्देशन रहेको नाटक ‘आकाशको बाटो’ को मञ्चन भैरहेको छ । शुक्रवारदेखि काठमाडौंको मण्डला थिएटरमा मञ्चन भैरहेको हो । यथार्थपरक घटनामा आधारित नाटकले सबैको मन छुन्छ । बिशेषत बैदेशिक रोजगारले समाजमा पार्ने सकारात्मक तथा नकारात्मक कुरालाई नाटकमा कलात्मक शैलीमा प्रस्तुत गरिएको छ । चैत १८ गतेसम्म मञ्चन हुने यो नाटकले बेरोजगारीका कारण बिदेसिने नेपाली युवाहरू र उनिहरुको परिवारमा पर्ने असरहरुलाई मज्जाले उठान गरेको छ ।

नाटकमा मण्डला थिएटर ल्याब १३ औँ ब्याचका विद्यार्थीहरूको अभिनय रहेको छ । सोहित रावल, सुशन बस्नेत, समस्ती राई , प्रमीला राई , मेलिना चाम्लिङ राई, आकृति के.सी, झरना चोखाल, बिपना बस्नेत , दिया दुमी राई , कृष्ण गुरुङ, कोहिनुर विश्वकर्मा, मञ्जिल श्रेष्ठ , दीपक श्रेष्ठ , विजय तामाङ, मान बहादुर हिराङ साम्पाङ राई, सुशान्त पन्त , जीवन ठाकुर, प्रविन तामाङ, रविन साहशंकर, मनोज केसी, मुकेश पाण्डे, प्रभात आङ्गबो लिम्बु, शीतल वाग्ले कलाकारहरू हुन् ।

यो नाटक सोमबार बाहेक हरेक दिन बेलुका ४ बजे मञ्चन भइरहेको छ भने शनिवार दिउँसो १२ः३० बजे अतिरिक्त मञ्चन हुनेछ ।