‘जुलेबी’ फस्टलुक पोष्टर सार्वजनिक

नारी दिवसको अवसर पारेर फिल्म ‘जुलेबी’ को फस्टलुक पोष्टर सार्वजनिक गरिएको छ । सार्वजनिक पोष्टरमा एक महिलाका नग्न खुट्टाको तश्बिरलाई कलात्मक रुपमा देखाइएको छ । पोष्टरबाट महिला केन्द्रित फिल्म भनेर बुझ्न सकिन्छ ।

फिल्ममा सुरक्षा पन्त, उषा रजक, निशा अधिकारी र मोनिका थापा मुख्य भूमिका रहेका छन् भने सुशील सिटौला, पुष्कर कार्की, तुफान थापा लगायतका कलाकारको अभिनय रहेको छ ।

फोर क्युब इन्टरटेन्मेन्टको ब्यानरमा बनेको यो चलचित्रमा चार नारी पात्रको कथा समेटिएको छ । चलचित्रलाई निर्देशक गणेश देव पाण्डेले निर्देशन गरेका हुन् । उनले यस अघि मन्चरी, गाजा बाँजा जस्ता सफल चलचित्र निर्देशन गरिसकेका छन् ।

एथोलजी विधामा रहेको यस चलचित्रमा नारी पात्रको सशक्त र अब्बल अभिनय रहेको छ । चलचित्रलाई आभा शर्मा नेपालले निर्माण गरेकी हुन् ।