यही माघ २० गतेबाट प्रदर्शन हुने रोमान्टिक–कमेडी फिल्म ‘ह्यारी कि प्यारी’ को दोस्रो गीत रिलिज गरिएको छ । बुधबार ‘मीठो मीठो’ बोलको प्रेमयुक्त गीत युट्युबमा रिलिज गरियो । गीतमा युग भुषालको संगीत, निर्देशक डा. कपलि रिजालको शब्द रचना छ भने सौरव दास र देवाञ्जली वी जोशीको स्वर सुन्न सकिन्छ ।

डा. कपिल रिजालको डेब्यू निर्देशकिय फिल्मको यसअघि रिलिज भएको ‘धरहरा हल्लियो’ ले पनि दर्शकको माया पाइरहेको छ । साथै ट्रेलरको सकारात्मक प्रतिक्रियाले भने फिल्मलाई प्रतिक्षित बनाएको छ । सार्वजनिक ‘मीठो मीठो’ बोलको गीतमा फिल्मका कलाकारद्वय साम्राज्ञी राज्यलक्ष्मी शाह र जितु नेपाल प्रस्तुत छन् ।

बिआर प्रोडक्सनकको प्रस्तुतीमा निर्देशक रिजाल प्रस्तुतकर्ता रहेको फिल्ममा साम्राज्ञी र जितुसंगै विजय बराल, लक्ष्मी गिरी, सुवास गजुरेल, नरेश पौडेल, रञ्जना भट्टराई, समिक्षा पौडेल, रमेश अधिकारी, डिल्लीराम खनालको अभिनय छ । फिल्ममा रिजाल स्वयंमको कथा तथा निर्देशन, सुदीप बराल, गिरीराज घिमिरे, डा. रिजाल, अभिमन्यू निरवीको पटकथा र संवाद लेखन रहेको छ ।

फिल्ममा डा. भोला रिजालको गीत रचना, शिखर सन्तोष र युग भुषालको संगीत, सपनकुमार राई, सौभर दास, थोम्सन एन्ड्रयुज, मीना निरौलाको गायन र कविराज गहतराजको कोरियाग्राफी छ । सुदीप बरालको छायांकन रहेको फिल्मलाई अर्जुन जिसीले सम्पादन गरेका हुन् । विजय बस्यालले पोस्टर डिजाइन गरेको यो फिल्मको पोष्ट प्रोडक्सनको सम्पूर्ण काम मुम्बईमा गरिएको हो ।

For More videos Log on to Mazzako TV