‘चि मुसी चिः आजबाट हलमा
आज शुक्रबारबाट हरर थ्रिलर फिल्म ‘चि मुसी चिः इभन डेड डिजायर बिलोङ्गिङ’ सार्वजनिक प्रदर्शनमा आएको छ ।
मर्ण जेम्स र यश सैनीको लेखन एवं निर्देशन रहेको फिल्मले एक आत्माले पात्रलाई दिने दुःख र त्यसले परिवार र समाजमा पार्ने प्रभाव चित्रण गर्छ ।
फिल्ममा प्रियंका कार्की, ऋचा शर्मा, बेनिशा हमाल, आयुषमान देशराज जोशी, राजन खतिवडा, रबिन्द्र झा र नवनायक गौरभ बिष्ट लगायत कलाकार छन् । निर्माण पक्षले ‘चि मुसी चि’लाई अहिलेसम्म कै उत्कृष्ट हरर फिल्म दावी गर्दै आएको छ ।
फिल्ममा सुशन प्रजापतिको छायांकन र यश सैनीको सम्पादन रहेको छ । एमी स्टुडियोको व्यानरमा अरुण चक्रवर्तीको प्रस्तुति रहेको सिनेमामा रिञ्जु केसीसंगै अरुण चक्रवर्तीले लगानी गरेका छन् ।
