’फूलबारी’ को टिजर रिलिज
निर्देशक रामबाबु गुरुङ निर्देशित फिल्म ’फूलबारी’ को टिजर रिलिज गरिएको छ । पारिवारिक कथा बोल्ने फिल्मको टिजर सोमबार युटुबमा रिलिज गरिएको छ । टिजरमा फिल्मका मुख्य कलाकारहरुलाई देखाइएको छ । अभिनेता विपिन कार्की र अभिनेत्री अरुणा कार्की एक दम्पतिको भूमिका प्रस्तुत छन् ।
फिल्ममा विपिन र अरुणासंगै दयाहाङ राई, प्रियंका कार्की, गौमाया गुरुङ, शिल्पा मास्के, अनुपम शर्मा, सोमनाथ खनाल, मनिष ढकाल, लोकेन्द्र लेखक लगायतका कलाकारहरुको अभिनय रहेको छ ।
अभिभावक र सन्तानबीचको सम्बन्धको कथा भन्ने फिल्ममा उपेन्द्र सुब्बाको पटकथा र कमल किशोर मलपानीको कथा छ । जोश हेरुमको छायांकन रहेको चलचित्रमा सिनेमामा कालीप्रसाद बाँस्कोटा÷अनुपम शर्माको संगीत र निमेष श्रेष्ठको सम्पादन छ ।
फागुन ५ देखि सार्वजनिक प्रदर्शनमा आउने फिल्ममा मणिराम पोखरेलको कार्यकारी निर्माण र मनिष ढकालको निर्माण रहेको छ । चलचित्र यसोदा फिल्म्सको व्यानरमा निर्माण भएको हो । यसै वर्ष रामबाबु निर्देशित ’कबड्डी ४’ ले सर्वाधिक व्यापारको रेकर्ड राख्न सफल भएको थियो ।
