अभिनेता आर्यन सिग्देल र अभिनेत्री उपासना सिंह ठकुरीको मुख्य भुमिका रहेको फिल्म ‘डिसेम्बर फल्स’ को टिजर रिलिज गरिएको छ । बिहिबार फिल्मको टिजर रिलिज गरिएको हो । सार्वजनिक १ मिनेट १५ सेकेण्ड लामो टिजरले दर्शकमाझ कौतुहल्ता पैदा गर्ने देखिन्छ । सार्वजनिक टिजरमा प्रेम, द्वन्द्व र थ्रिलरका साथै कथावस्तु र चरित्र चित्रणको महत्वपूर्ण समिश्रण देख्न सकिन्छ ।

फिल्म आगामी पौष १५ गतेबाट अलनेपाल सार्वजनिक प्रदर्शन हुने छ । टिजरमा आर्यन सिग्देल, उपसना सिंह ठकुरीसंगै सलोन बस्नेत र नरेश भट्टराई पनि टिजरमा अटाएका छन् । भारतीय मुलका प्रवीण झाको निर्देशन र महेश आर गुप्ताको छायांकन रहेको फिल्म शिवहरी पौडेल, नगेन्द्र रिजाल, शिशिर राणा, गीता अधिकारी, प्रभात पल ठकुरी, सुमन थापाको पनि अभिनय रहेको छ ।

रोमान्टिक–थ्रिलर जनरामा निर्माण भएको सिनेमाका प्रस्तुतकर्ता राम प्रसाद रिजाल हुन् । सिनेमाका गीतमा सुशान्त गौतम, प्रतिक पौडेल, दीपक शर्मा र कोशिश क्षेत्रीको संगीत छ । लक्ष्मण रिजाल र अमिस काफ्ले कार्यकारी निर्माता रहेको सिनेमाको निर्माता राज कुमार भट्ट हुन् ।

बनिश शाहले सम्पादन गरेको सिनेमाको पटकथा तथा संवाद केदार भुषाल र प्रतिक पौडेलले लेखेका हुन् । सिनेमा वितरणको जिम्मा श्रीराम बलाजी फिल्मस्का सुनिल मानन्धरले लिएका छन् ।

For More videos Log on to Mazzako TV