‘तिम्रो मेरो साथ’ को गीत रिलिज

आउँदो पुस २९ गते रिलिज हुने फिल्म ‘तिम्रो मेरो साथ’ को पहिलो गीत रिलिज भरेको छ । निर्माण टिमले तिहारलाई लक्षित गर्दै ‘रूमालै बाटेर टाई बनाम’ बोलको गीत रिलिज गरेको हो । लोक शैलीको यो गीत सुभाष भुसालको संगीतमा तयार भएको हो ।

गीतमा जगदि समाल र मेलिना राईको युगल स्वर रहेको छ । रामजी लामिछाने कोरियोग्राफी रहेको गीतलाई शिव ढकालले खिचेका हुन् । गीतमा सिनेमाका प्रमूख कलाकार पुष्प खड्का, साम्राज्ञी राज्य लक्ष्मी शाह तथा सन्दीप क्षेत्रीको नृत्य देख्न सकिन्छ।

‘तिम्रो मेरो साथ’ निर्देशक रमेश एमके पौडेलको डेब्यू फिल्म हो । पौडेलले यसअघि ‘राज्जा रानी’ र ‘रूद्रप्रिया’ फिल्म निर्माण गरेका थिए । आर्यन फिल्मस्को ब्यानरमा निर्माण भएको सिनेमामा पासाङ लामा, निरू भण्डारी,अशोक पोख्रेल, सुमन पौडेल तथा सुमित पराजुलीको सह–निर्माता रहेका छन्। यसैगरी निर्देशक सबिर श्रेष्ठ सिनेमाका कार्यकारी निर्माता हुन् । कार्यकारी निर्माता श्रेष्ठ सिनेमाका लेखकसमेत हुन्। उनलाई लेखनमा बाबुराम निरौलाले साथ दिएका छन्। सिनेमामा पुष्प, साम्राज्ञी तथा सन्दिपका अलावा इमीली लामा, दिपिशा केसी लगायतका कलाकार छन् ।