‘प्रेमगीत ३’ को ट्रेलर सार्वजनिक

बहुप्रतिक्षित फिल्म ‘प्रेमगीत ३’ को ट्रेलर सार्वजनिक भएको छ । आगामी असोज ७ गतेबाट नेपाल र भारतमा एकसाथ प्रदर्शनमा आउने फिल्मको बिहीवार हिन्दी भर्सनको ट्रेलर सार्वजनिक गरिएको छ । हिन्दी भाषामा डबे भएर भारत तथा बिभिन्न देशहरुमा एकसाथ प्रदर्शन हुन लागेको यो नै पहिलो नेपाली फिल्म हो ।

स्वर्गीय छेतेन गुरुङ र सन्तोष सेनले संयुक्त रुपमा निर्देशन गरेको फिल्ममा प्रदीप खड्का, क्रिस्टिना गुरुङ, शिव श्रेष्ठ, अनुभव रेग्मी, सम्वृद्धि शाही ठकुरी, सुनिल थापा, मनिष राउत, सन्तोष सेन, माओत्से गुरुङ, पुस्कर कार्की, प्रेम पुरी, लक्ष्मी वर्देवा, जीवन भट्टराई, योगिशा खत्री, राज थापा लगायतका कलाकारहरुको अभिनय रहेको छ । फिल्मलाई राजेश श्रेष्ठले छायांकन गरेका हुन् ।