‘बाबरी’ को ट्रेलर रिलिज

अभिनेता धिरज मगर, अभिनेत्री अदिति बुढाथोकी र नव नायक धिरज नाडकरको मुख्य भुमिका रहेको फिल्म ‘बाबरी’ को ट्रेलर रिलिज गरिएको छ । सोमबार राजधानीमा कार्यक्रमको आयोजना गर्दै फिल्मको ट्रेलर सार्वजनिक गरिएको हो ।

ट्रेलरमा धिरज मगर, अदिति बुढाथोकी र धिरज नाडकर बीचको त्रिकोणात्म प्रेमकथा प्रस्तुत गरिएको छ । फिल्म असोज १४ गतेबाट सार्वजनिक प्रदर्शनमा आउनेछ । सुरेन्द्र पौडेलको निर्देशन रहेको फिल्मको ट्रेलरमा कमेडी, प्रेम, रोमान्स र वियोगलाई प्रस्तुत गरिएको छ ।

सिजन दाहाल, मनोज त्रिपाठी, रीत बोहोरा र किशोर नेपालको लेखन रहेको फिल्ममामा धिरज मगर, अदिति र धिरज नाडकरसंगै बादल भट्ट, कमणमणी नेपाल, उर्मिला बस्नेत, ध्रुव कोइराला, सुनिता श्रेष्ठ, नितेश गुरुङ, त्रिशला तामाङ, दीलिप गुरुङ लगायतका कलाकारहरुको पनि अभिनय छ ।
।
निर्देशक पौडेलको कथा र सम्पादन रहेको फिल्ममा कालीप्रसाद बाँस्कोटा÷सुजन चापागाईं÷अनमोल गुरुङको संगीत, नरेन्द्र मैनालीको छायांकन र एञ्जिला खत्री÷विक्रम लामाको कोरियोग्राफी छ । ‘बाबरी’ को गणेश बुढाथोकी र पुष्पालता बुढाथोकी निर्माता रहेका छन् भने सुष्मा गुरुङ सहनिर्माता रहेकी छन् ।