‘महापुरुष’ को फस्टलुक पोस्टर रिलिज, फिल्म कार्तिक ११ मा

प्रदीप भट्टराई निर्देशित फिल्म ‘महापुरुष’ को फस्टलुक पोस्टर सार्वजनिक गर्दै प्रदर्शन मिति तय गरिएको छ । आइतबार फस्र्टलुक पोस्टर सार्वजनिक गर्दै कार्तिकको ११ गतेबाट रिलिज हुने जानकारी गराइएको हो ।

फिल्मको फस्टलुकमा पोस्टरमा हरिवंश अचार्यलाई पिजडा बाहिर राखिएको सुँगासँग देखाइएको छ । यस्तै, अर्को पोष्टरमा बैबाहिक समारोहबाटै भागेका हरिवंश अचार्य र गौरी मल्ललाई देखाइएको छ । यसैले, फिल्मले सामाजिक कथालाई बलियो तरिकाले देखाएको अनुमान गर्न सकिन्छ ।

फिल्ममा हरिबंश अचार्य, मदनकृष्ण श्रेष्ठ, गौरी मल्ल, रबिन्द्र सिंह बाँनिया, राजाराम पौडेल, नव कलाकारद्धय अरुण क्षेत्री र अन्जना बराइलीको अभिनय छ । प्रदीप भट्टराईकै लेखन रहेको फिल्ममा दिपेश खत्रीको लगानी छ । रविन्द्र सिंह बाँनिया कार्यकारी निर्माता रहेको फिल्ममा दीपक बज्राचार्यको छायांकन, मित्र डी गुरुङको सम्पादन छ ।