आकाश र रेखाको ‘हिड्दा हिड्दै’को प्रदर्शन मिति फाइनल

फिल्म ‘हिड्दा हिड्दै’को फर्स्टलुक पोस्टर संगै प्रदर्शन मिति सार्वजनिक गरिएको छ। प्रेमकथानक फिल्म माघ २० गतेबाट सार्वजनिक प्रदर्शनमा आउने भएको छ। चलचित्रका प्रस्तुतकर्ता सुशील पंगेनी हुन् । फिल्मलाई मिलन आले मगरले निर्देशन गरेका हुन् । प्रस्तुतकर्ता पंगेनीकै लेखन रहेको फिल्ममा आकाश श्रेष्ठ,नवअभिनेत्री रेखा शाह, सलोन बस्नेत,सानिया खान,बिकास थापामगर,बिबेक रामदाम,ममता पौडेल लगायतका कलाकारको अभिनय रहेको छ ।

‘हिड्दा हिड्दै’ को निर्मातामा प्रमोद कुमार तामाङ,राजकुमार थिङ र पारस गुरुङ रहेका छन् । महादेव शाह सहनिर्माता रहेको फिल्ममा सुमन तण्डुकारको छायांकन, बसन्त सापकोटा र किरण माइकलको संगीत,देव महर्जनको द्धन्द्ध निर्देशन र कबिराज गहतराजको कोरियोग्राफी रहेको छ । फिल्ममा युवापुस्तामा मौलाइरहेको प्रेम र समर्पणको कथा प्रस्तुत गरिएको निर्माण टिमले बताएको छ । फिल्म वितरणको जिम्मा आर आर फिल्म्सले लिएको छ।