‘राधा’ को ट्रेलर रिलिज
यहि भाद्र १० गतेबाट सार्वजनिक प्रदर्शनमा आउँने फिल्म ‘राधा’ को ट्रेलर रिलिज गरिएको छ । सुवर्ण थापाको लेखन तथा निर्देशनमा तयार भएको फिल्म ‘राधा’ को ट्रेलर आइतबार सार्वजनिक गरिएको हो ।
सार्वजनिक साढे २ मिनेटको ट्रेलरमा अधिकांश कलाकारहरुलाई स्थान दिइएको छ । फिल्मले बेपत्ता श्रीमानको खोजी गरिरहेकी श्रीमतीको कथा भन्छ । अभिनेत्री सृष्टि श्रेष्ठ फिल्ममा मुख्य भूमिकामा प्रस्तुत छिन् ।
फिल्ममा सृष्टिसंगै खगेन्द्र लामिछाने, मेनुका प्रधान, दिव्यदेव, लोकेन्द्र लेखक, बुद्धि तामाङ, पशुपति राई, दयाहाङ राई, सौगात मल्ल, निश्चल बस्नेतको अभिनय छ ।
यस फिल्ममार्फत अभिनेता सौगात पहिलोपटक निर्माताको रुपमा आउँदैछन् । फिल्ममा सौगातसहित देवकी विष्ट, बिक्रम दास जोशी निर्माताको रुपमा छन् भने निकुन श्रेष्ठ र फिरोज खड्का फिल्मका कार्यकारी निर्माता हुन् ।
नरेन्द्र मैनालीको छायाँकन रहेको फिल्मलाई निमेश श्रेष्ठले सम्पादन गरेका हुन् ।
