अभिनेत्री साम्राज्ञी राज्य लक्ष्मी शाह र अभिनेता जितु नेपाल अभिनित रोमान्टीक कमेडी फिल्म ‘ह्यारी कि प्यारी’ को फर्स्ट लुक पोस्टर सार्वजनिक गर्दै रिलिज डेट तय गरिएको छ । डा. कपिल रिजाल निर्देशित फिल्म कार्तिक २५ गते बाट अल नेपाल सार्वजनिक प्रदर्शनमा आउने छ ।

पोस्टरमा मुख्य कलाकार जितु र साम्राज्ञी प्रस्तुत छन् । फिल्ममा जितु ह्यारी र साम्राज्ञी उनको प्यारीका रुपमा देखिनेछन् । जितु र साम्राज्ञीसंगै विजय बराल, लक्ष्मी गिरी, सुवास गजुरेल, नरेश पौडेल, रञ्जना भट्टराई, समिक्षा पौडेल, रमेश अधिकारी, डिल्लीराम खनालल गायतका कलाकारको अभिनय छ ।

डा. कपिल रिजालको प्रस्तुति र निर्देशन रहेको फिल्ममा कथा निर्देशक डा. कपिल रिजाल, पटकथा र संवाद सुदीप बराल, गिरीराज घिमिरे, डा. कपिल रिजाल र अभिमन्यू निरवी, गीत डा. भोला रिजाल, संगीत शिखर सन्तोष र युग भुषाल, गायन सपनकुमार राई, सौभर दास, थोम्सन एन्ड्रयुज, मीना निरौला र देवाञ्जली जोशी, कोरियाग्राफी कविराज गहतराज, छायांकन निर्देशन सुदीप बराल र सम्पादन अर्जुन जिसीको रहेको छ ।

For More videos Log on to Mazzako TV