सुरेन्द्र पौडेल निर्देशित फिल्म ‘बाबरी’ को ‘चुलबुल चुलबुल’ बोलको गीत सार्वजनिक गरिएको छ । बिहीबार यहि भाद्र ३१ गतेबाट प्रदर्शनको तयार गरेको फिल्मको गीत केन्द्र मोशन पिक्चर्सको युट्युबबाट रिलिज गरिएको हो । सार्वजनिक गीतको भिडियोमा अभिनेत्री अदिती बुढाथोकी र अभिनेता धिरज मगरलाई प्रस्तुत छन् ।

सुजन चापागाईँको संगीत तथा रविन्द्र लामिछानेको शब्द रहेको गीतमा संगीतकार चापागाईँ र सुनिता थेगिमको स्वर सुन्न सकिन्छ । गीतको अडियो तथा भिडियो निकै मज्जाको बनेको छ । सार्वजनिक गीतमा विक्रम लामा र एञ्जिला खत्रीको कोरियोग्राफी छ । ‘बाबरी रंग’ ले दर्शकमाझ राम्रो हाइप बनाएकाले पनि निर्माण टिम फिल्मको सार्वजनिक यो गीतले दर्शकको मन जित्नेमा विश्वस्त देखिन्छ ।
फिल्ममा धिरज नाडकर, बादल भट्ट, कमणमणी नेपाल, उर्मिला बस्नेत, ध्रुव कोइराला, सुनिता श्रेष्ठ, नितेश गुरुङ, त्रिशला तामाङ, दीलिप गुरुङ लगायतका कलाकारको पनि अभिनय रहेको छ ।

बाबरी फिल्मको प्रस्तुतीमा निर्माण भएको चलचित्रको निर्माता गणेश बुढाथोकी र पुष्पालता बुढाथोकी हुन् । सुष्मा गुरुङ सह–निर्माता रहेको चलचित्रको कथा निर्देशक पौडेलले नै लेखका हुन् । चलचित्रमा काली प्रसाद बास्कोटा, सुजन चापागाई र अनमोल गरुङको संगीत र एञ्जिला खत्री र विक्रम लामाको कोरियोग्राफी रहेको छ ।
फिल्मको पटकथा तथा संवाद रित सिंह बोहोरा, सिजन दाहाल, मनोज त्रिपाठी र किशोर नेपालले मिलेर लेखेका हुन् । काठमाडौं, झापा, मोरङ र उत्तरी सिक्किमका विभिन्न रमणीय स्थानमा फिल्म छायांकन गरिएको हो । नरेन्द्र मैनालीको छायांकन रहेको फिल्मका मुख्य सहायक निर्देशक रित सिंह बोहरा हुन् ।

For More videos Log on to Mazzako TV