‘पशुपति प्रसाद’ को सफलतापछि अब ‘धनपति’

व्यापारिक र समिक्षात्मक रुपमा सफल फिल्म ‘पशुपति प्रसाद’ का निर्देशक दिपेन्द्र के.खनाल र लेखक तथा अभिनेता खगेन्द्र लामिछानेको सहकार्यमा नयाँ फिल्म बन्ने भएको छ छ । टुकी आर्टस् र दिपेन्द्र के खनाल प्रोडक्सनको संयुक्त सहकार्यमा निर्माण हुने फिल्मको नामाकरण ‘धनपति’ गरिएको छ ।

सपना र अहंकारले एउटा मान्छेलाई कता कता ठोक्याउँछ ? भन्ने कथा वरिपरी घुम्ने फिल्ममा खगेन्द्र नै मुख्य भूमिकामा प्रस्तुत हुनेछन् । बाँकी कलाकार छनोट हुने क्रममा छन् । ‘धनपति’ को कथा, पटकथा तथा संवाद खगेन्द्र आफैंले लेखेका हुन् ।

रोजिना सिटौला निर्माताको रुपमा रहेको ‘धनपति’ मा रजना नापित र समीर देवकोटा सह निर्माताको रहंदा ओम गुरुङ सहायक निर्माताको रुपमा रहेका छन् । यही वर्षको माघ महिनादेखि छायाँकन सुरु हुने ‘धनपती’ लाई ०७४ सालमा प्रदर्शन गरिनेछ ।