३० लागिन् निशा अधिकारी : यस्ता छन् उनलाई चर्चामा ल्याउने ४ घटना

नायिका निशा अधिकारी असोज १८ देखि ३० वर्ष लागेकी छिन् । विश्वको सर्वोच्च शिखर सगरमाथाको सफल आरोहण गरेकी नायिका अधिकारीलाई जन्मदिनको शुभकामना । निशा हाल फिल्म ‘कुम्भकरण’ को छायाँकनमा व्यस्त छिन् । जन्मदिनको अवसर पारेर हामीले निशा चार चर्चित घटनाक्रमलाई प्रस्तुत गरेका छौं, जसले उनलाई चर्चामा ल्याए ।

१.साहसी हिरोइन : सन् २००९ मा फिल्म ‘मिसन पैसा’ बाट हिरोइनको रुपमा डेव्यु गरेकी निशा अधिकारीले सन् २०१३ मा विश्वको सर्वोच्च शिखर सगरमाथाको सफल आरोहण गरिन् । सगरमाथाको सफल आरोहणसँगै निशालाई साहसी हिरोइनको रुपमा लिन थालिएको छ ।

२.पर्दा बाहिर पनि एक्सन रुप  : पर्दामा एक्सन दृश्य गर्न रुचाउने निशा पर्दा बाहिर पनि बेलाखबत एक्सन अवतारमा देखा पर्छिन् । फिल्म ‘लुट’ को सक्सेस पार्टीमा निशाले आफ्नो फोटो खिच्ने पत्रकारको क्यामेरा खोसेकी थिइन् । जुन घटनाको चर्को आचोलना र व्यापक चर्चा भएको थियो ।

३.क्रिकेटरसँग प्रेम : निशा प्रेमको मामिलामा पनि अगाडी नै छिन् । क्रिकेटर शरद भेषवाकरसँगको प्रेममा रहंदा निशाको निकै चर्चा भयो । उनीहरु बिहेसम्म गर्ने मनस्थितिमा थिए । तर निशा र शरदबिच ब्रेकअप हुन गयो । किन ब्रेकअप भयो ? उनीहरुले मुख खोलेका छैनन् ।

४.कपाल मुण्डन : गएको डेढ वर्ष पहिले जब निशा अमेरिकामा थिइन्, उनले आफ्नो कपाल मुण्डन गरिन् । लामो कपाललाई मुण्डन गर्दा नेपाली मिडियामा भने विभिन्न खाले टिकाटिप्पणी भए । तर निशाले मनको शान्तिको लागि आफ्नो कपाल मुण्डन गरेको बताइन् ।