‘रातो घर’ ले रोज्यो पुष पन्ध्र
सुरज सुब्बा ‘नाल्बो’ निर्देशित फिल्म ‘रातो घर’ यस वर्षको पुष १५ गतेदेखि प्रदर्शनमा आउने भएको छ । निर्माता समेत रहेका नाल्बोले आफ्नो फिल्म उक्त मितिमा प्रदर्शनमा आउने एक भेटमा बताए । ‘तर हामी प्रेसमिट गरेरै ‘रातो घर’ को रिलिज डेट सार्वजनिक गर्नेछौं’ उनले भने ।
माङ हेम फिल्मसको ब्यानरमा निर्माण भएको फिल्म ‘रातो घर’ निर्माणमा निर्देशक नाल्बोसँग कलाकार विल्सन विक्रम राईले पनि सहकार्य गरेका छन् । विल्सन फिल्मका मुख्य पात्र पनि हुन् । निकेश लिम्बुको प्रस्तुती रहेको फिल्मको कथा मेन्छा रुम्बालीको रहेको छ भने लेखन नाल्बो स्वयमकै हो ।
तराई क्षेत्रमा हुने लागु औषध प्रयोग र दुव्र्यसनीको कथामा बनेको फिल्ममा विल्सनसँगै गौरव पहारी, संयम पुरी, अनुरागविक्रम कुँवर, माला लिम्बुको अभिनय रहेको छ । ‘रातो घर’ मा समावेश ‘झकास झापाली’ बोलको गीत हिट भैसकेको छ । भिडियो हेर्नुस् :
